தமிழ் வெறும் மொழி மட்டுமல்ல. அது எங்களின் வாழ்க்கை நெறி. உலகில் கல்வியறிவும் மன்னராட்சியும் தோன்றும் முன்னரே தோன்றிய மூத்தகுடி பேசியது தமிழ் மொழி என பல்வேறு ஆராய்ச்சிகள் ஆவணங்கள் தமிழின் தொன்மையை வெளிக்கொணர்கின்ற.

கடந்தகால இராணுவ படையெடுப்புகளாலும், பண்பாட்டு படையெடுப்புகளாலும் காணக்கிடைக்காத அரிய நூல்களை இழந்திருக்கிறோம். கிடைத்த சில இலக்கியங்களிலும் கருத்துச்சிதைவு நடைபெற்றுள்ளதை முன்பின் முரணான கோட்பாடுகள் கொண்டுள்ளதை வைத்து அறிகிறோம்.

உலகின் எந்த மூலைக்கு சென்றாலும் அங்கு தமிழர்களின் அடையாளத்தை காணமுடிகிறது. ஆனால் அனைவரும் ஒரு குடையின் கீழ் இன்னும் இணையவில்லை.

கண்ணோட்டம் (compassion), கல்வி, இயற்கை இவையனைத்துமே தமிழின் அங்கமாக விளங்குகின்றன என்பது இலக்கியங்களின் மூலமாக அறிய முடிகிறது. விருப்பு வெறுப்பு கொண்ட சாதாரண மனிதன் செய்ய வேண்டிய அறச்செயல்கள் பற்றியும், இயற்கைக்கும், உயிர்க்கும் தீங்கிழைக்காமல் வாழ்வது குறித்தும் தமிழ் அறம் வகுத்திருக்கிறது.

நம் முன்னோர்கள் காட்டிய கலங்கரை விளக்கின் துணை கொண்டு நாம் பயணிப்போம்.